Patay ang walo ka miyembro sang pamilya sa aksidente nga nagluntad sa Sitio Tumampon, Barangay Tiguib, Ayungon, Negros Oriental, kahapon alas- 9:30 sang aga.
Sa interview sang Bombo Radyo kay Police Master Sergeant Jhunren Gargoles, chief investigator sang Ayungon Municipal Police Station, 13 ka miyembro sang pamilya ang sakay sang multicab nga mapadulong kuntani sa patyo.
Iban sa ila naggikan pa sa ciudad sang Dumaguete kag Manila nga nagpauli sa probinsya para magselebrar sang death anniversary sang ila himata kag para sa paskwa.
Suno kay Gargoles, nadulaan sang preno ang multicab samtang nagabyahe sa dulhogon nga dalan kun sa diin nagbaliskad ini kag nagtupa sa batohon nga area.
Dead on the spot ang mga biktima nga sanday Edwin Deguit Sr.; Zenaida Sabanal; Libby De Jesus, 71 anyos; Ernesta Villasco; Anabelle Devero; kag Elphy Deguit, 46 anyos, nga nagatrabaho bilang Barangay Health Worker (BHW).
Apang, sang hapon, napatay si Chinly Magalso, 42 anyos kag ang 13 anyos nga babayi nga lunsay yara sa kritikal nga kondisyon.
Padayon naman sa karun nga ginabulong ang lima pa ka miyembro sang pamilya kalakip na ang driver nga si Juan Maratas, 56 anyos nga residente sang Barangay Bagacay, Dumaguete City.
