Ginpahayag ni Political analyst Atty Jomax Ortiz nga posible may yara na sang warrant of arrest nga gin-issue ang International Criminal Court batok sa mga co-perpetrators sa kaso sa war on drugs ni former President Rodrigo Duterte.
Sa interview kay Ortiz, madumduman nga wala pa nadakop si Duterte sadto apang may na-issue na nga warrant of arrest batok sa iya.
Suno diri, posible nga nakahibalo na si Senator Bato dela Rosa nga may yara na sang warrant of arrest nga na-issue batok sa iya, rason nga wala na ini nagapakita sa Senado.
Suno sa politcal analyst, posible nga may na-issue na gid man apang posible man nga wala pa.
Dugang pa sini, bangod sa natabo nga pag-aresto kay Duterte mahimo nga si dela Rosa nagapreparar naman sa karun apang kun madakop gid man si dela Rosa ang sunod naman nga manago amo si Senator Bong Go kag ang iban pa nga co-perpetrators bangod bisan nga wala pa ang Confirmation of Charges mahimo nga ang warrant of arrest ang na-issue na.
