Gin-eksplekar ni Vice President Sara Duterte ang rason kun ngaa indi ini magtambong sa House hearings natuhoy sa ginaalegar indi insakto nga paggamit sang confidential funds sang iya opisina.
Apisar sang pagbisita sini sa iya aide nga si OVP chief-of-staff Zuleika Lopez nga nakadetain sa Kongreso matapos nga gincite in contempt, ginpadayon ni Duterte nga i-snub ang imbestigasyon nga ginpatigayon sang House Committee on Good Government and Public Accountability natuhoy sa ginaalegar indi insakto nga paggamit sang pondo sang OVP kag Department of Education (DepEd).
Suno kay Duterte, ngaa masabat ini sa isa ka House Speaker nga na-implicate sang kaso nga bribery, may yara man sang convicted sang child abuse sa IP children sa Davao City kag pipila pa ka mga mamalidha nga ginclaim sini nga may salabton sa iya pamilya.
Wala naman sini direkta nga ginhingadlan ang mga mamalidha sa iya mga alegasyon.
Samtang wala sang preno man nga ginbuyayaw ni Vice President Sara Duterte si President Ferdinand “Bongbong” Marcos, First Lady Liza Araneta Marcos, kag House Speaker Martin Romualdez.
