WBC welterweight champion Mario Barrios, nanindugan nga indi maga-atras sa hampang batok kay Filipino boxing legend Manny Pacquiao

Nagpromisa ang World Boxing Council welterweight champion nga si Mario Barrios nga indi ini mag-atras sa match batok kay Manny Pacquiao.

Suno kay Barrios, kun nagbaylo sila ni Pacquiao sang role, nakahibalo ini nga indi mag-atras kag magpangduha-duha si Pacquiao nga magbato sa iya.

Suno diri, handa siya nga depensahan ang iya title batok sa 46 anyos nga Hall of Fame boxing legend.

Pahayag ni Barrios sa match, siguraduhon niya nga maalsa niya ang iya mga kamot kag magapreparar siya kun ano man ang madala ni Pacquiao sa silod sang ring.

Dugang pa sini, indi niya luyag nga ang legendary status kag maayo nga personalidad ni Pacquaio ang mangin isa ka factor nga maka-apekto sa iya sa pagdepensa sa iya nga title.