Ginpahayag sang regional director sang Bureau of Fisheries and Aquatic Resources nga ginapakita sang data sang Philippine Statistics Authority nga 107 porsyento nga self-sufficient sa isda ang bilog nga Western Visayas.
Sa interview sang Bombo Radyo kay Director Remia Aparri, sufficient ang Region 6 sa aquaculture products kaangay sang bangrus.
Sa capture fisheries naman, bastante man ang kadamuon sang sardinas sa Region 6, lakip na ang kasag, sardines, tuloy, lagaw kag sapsap.
Aminado naman ini nga may yara sang bugana nga isda apang may tinion man nga mahina ang panguhaon.
Santo naman sa World Trade Agreement, indi malain ang importasyon kun nagapasiguro ini sang fish security kun kinahanglanon gid ilabi na kun ginapatuman ang closed season ukon pahuway sang baybay kun sa diin maiwat ang panguhaon kag indi allowed ang pagpangisda sang commercial fishing vessels sa Mindanao kag diri sa Visayan Sea.Suno kay Aparri, ginapatuman sa karon ang closed sea sa Visayan Sea para sa tuloy, bulao, tabagak, balantiong kag hasa-hasa.
Santo sa Fisheries Administrative Order 167-4, ang closed season ang nagsugod Nobyembre 15 kag magadugay tubtub Pebrero 15.
Suno sa BFAR Region 6 director, indi man bilog nga Visayan Sea ang indi pwede mapangisdaan apang ang nagikan lang sa Barotac Nuevo padulong sa Carles kag portion sang northern Negros malapit sa kadagatan sang Cebu.
Ang closed season sa Visayan Sea ang hugot nga ginapatuman sang mga local government units kun sa diin ginaedukar man ang mga mangingisda angot sa importansya sang closed season kag nagapatrolya man ang local Bantay Dagat.
Bangud indi makasulod sa nasambit nga mga lugar ang mga mangingisda, aminado si Aparri nga magadiutay ang supply apang iya gin-athag nga madamo sang iban pa nga sahi sang isda nga sarang mabakal.
