White House Olympics task force, plano nga itukod sang America bilang preparasyon sa 2028 Los Angeles Olympics

Natalana nga pirmahan ni US President Donald Trump ang executive order nga nagamando sa pagpatukod sang White House Olympics task force para sa 2028 summer Olympic games.

Ang nasambit nga grupo ang magadumala sang security kag iban pa nga mga issue nga angot sa nasambit nga sporting event.

Ini ang pagabug-usan sang mga miyembro sang gabinete ni Trump kag iban pa nga ahensya sang gobyerno.

Ang nasambit man nga task force ang magadihon sang visa processing kag credentialing para sa foreign athletes, coaches, officials, kag media.

Ang US ang mangin host sang Olympics sa Los Angeles sa masunod nga tatlo ka tuig.