Kadungan sang nagalala nga sitwasyon sa Russia-Ukraine crisis kag sa padayon nga pamahog sang Western Leaders sa pagpatuman sang mas malala nga sanction kalakip na ang pagkuha sang tanan nga Russian assests.
Bangud sini may yara sang pila ka mga reports nga nagwa nga ang Russian-owned superyacht nga ginpangalanan nga Graceful ang nakita nga naglayag agud nga magpalagyo nagikan sa shipyard sang Germany padulong sa Russia matapos nga ini ang gintuyo nga i-impound bangud sa sanctions nga mahimo idagdag sa Moscow matapos nga ginsalakay ang Ukraine.
Apang ano bala kadako ini, ang balor kag sin-o ang nagapanag-iya sang nasambit nga yate? Wala sang iban kundi si Russian President Vladimir Putin.
Suno sa report, ang Graceful ang nacommisioned sang 2005 kag ang hull ang gin-ubra sang Russian shipyard sa Sevmash malapit sa Arkhangelsk.
Ang Sevmash ang pinakadako nga shipbuilding complex sa Russia nga mas nakilala sang nuclear submarines para sa Russian Navy.
Matapos nga nahuman ang hull sini sang 2010, ini ang ginbiyahe padulong sa Germany agud nga matapos.
Samtang nagalayag ang Yate, naguba ang hull sini bangud sa mabaskog nga bagyo nga nagwaswas sa Norway.
Ang nasambit nga insidente ang nagpadelay sa pagtapos sa proyekto sang yate.
Sa ulihi gindala ini sa Blohm and Voss sa Germany agud nga matapos ang ginaubra sa yate kag nadeliver sang 2014.
Ginapahayag man nga ang ultra-luxurious vessel ang nagbalik sa Blohm kag Voss para sa refitting sang September sang tinalikdan nga tuig, nga ginalakipan sang overhauling sang engines, sa pagdugang sang duha ka forward balconies, kag significant extension sang swimming platform.
Apang, ang barko ang naglayag na padulong sa Russia apisar nga wala pa natapos ang ginaubra bangud sa kahangawa nga maimpound bangud sa sanction nga ginapatuman sang Western leaders sa Russia matapos nga ginsalakay sini ang Ukraine.
Ang Graceful ang may kadakuon nga 82 meters kag powered sang duha ka MTU engines ang nagahatag sang cruising speed nga 14 knots kag top speed sang 18 knots.
Ang barko ang may range sang masobrasa 4,000 nautical miles.
Gindesinyuhan sang H2 Yacht Design, ang sleek superyacht ang ginhimo sa steel kag aluminum kag may yara ini sang tri-deck design.
Ang posh interior ang Graceful ang himo sa nagkalain-lain nga materyales kag textures kalakip nga ang tooled leather, tapestry walls, marquetry, marble, stainless steel, ebony kag ang untreated teak, kag madamo pa.
Ang superyacht ang tuman kadako nga makaakomodar sang 12 guests kag 14 crew.
Ang highlight sang barko ang indoor swimming pool nga may kalabaon nga 15 meters kag tatlo ka metros ang kasangkaron.
Ang specialty sang pool amo ang bottom sini ang mahimo pasakaon agud mangin dance floor.
Ang multi-function area nga mahimo maconvert sa theatre bangud sa drop-down screen kag projector.
Ang main deck features ang may yara sang formal dining room, may yara man sang saloon nga may white Steinway piano, ang luxurious tearoom, kag ang alfresco dining area.
Ang superyacht ang may yara man sang kaugalingon nga gym, cocktail bar, kag spa pool malapit sang duha plunge pools para sa hot or cold dips.
Ang onboard wine cellar ang mahimo sudlan sang 400 bottles, samtang may yara man sang dako nga library sang upper deck ang may yara sang opisina ang tag-iya sa upper deck sang barko.
Ang barko ang may kaugalingon nga helideck nga mahimo hugpaan sang EC135 helicopter.
Si Russian President Vladimir Putin ang ginakonsiderar nga pinakapowerful sa karun sa mga world leaders kag gina-aligar man nga isa sa pinakamanggaranon nga tawo sa Planeta.
Suno man sa report nga ang personal nga manggad ni Putin ang masobra sa $220 billion.
Apang ginpanginwala man ini sang presidente sang Russia apang ginpahayag sang Political critic sini nga si Boris Nemtsov nga may yara si Putin sang mga assests nga ginalakipan sang 43 ka mga eroplano, 7000 ka mga salakyan, 15 helicopters, apat ka superyachts.
Ginpahayag man sa report nga ang Russian leader ang may yara sang kaugalingon nga palasyo nga napahamtang sa highly-secure “billionaire’s village” sa gwa sang Moscow kag doble ang kadakuon sini sa Buckingham Palace.
