Patay ang 11 anyos nga bata nga lalaki matapos nga malumos sa suba sa Sitio Buyunan, Brgy Tampalon, Kabankalan City, Negros Occidental, Disyembre 21, 2025.
Santo sa police report sang Domingo, Disyembre 21 sang aga, naghagaray ang magpakaisa kag mga abyan sang biktima nga magpanghulik sang isda.
Alas 8:00 sang gab-i, natingala ang mga ginikanan sang biktima nga wala pa ini makapauli kag sang ginpamangkot sini ang kaupod sang iya bata ginsaysay sini nga naglangoy sa suba ang biktima sang hapon apang wala nila natalupangdan nga nakalab-ot na ini sa madalom nga bahin sang suba nga nagresulta sa iya pagkalumos.
Gintinguhaan pa sang mga kaupod sini nga marescue ang biktima apang ini ang naglugdang kag wala na nila masalbar.
Nagpatigayon ang katapo sang Kabankalan City Disaster Risk Reduction Management Office kaupod ang Philippine Coast Guard sang search and retrieval operation kun sa diin na-retrieve ang bangkay sang biktima alas 4:30 kahapon sang hapon, December 22.
Ang bangkay sang biktima ang yara na sa punerarya kag natalana nga ipaidalom sa post mortem examination.
