Nakaangkon sang samad sa nawong ang isa residente matapos magluntad ang sunog sa Purok Magtiayon, Barangay 10, Bacolod City kagab-i, February 12, 2026.
Sa interview kay Alfred Amit, isa sa mga nasunugan, wala gid ini napagwa nga gamit gikan sa nasunog sini nga balay.
Suno kay Amit, nagsunog ang likod sang ila balay kag ginalantaw sini nga ang ginhalinan sang sunog ang kandila bangud nautdan sang connection sa kuryente ang nasambit nga balay.
Suno diri, pagpanaog niya sa bintana sa likod sang iya balay dako na ang kalayo kag naubos lamon sang kalayo ang naibabaw nga bahin sang barko.
Nasamaran sa nawong si Amit matapos nga nasanggit ang tiil sini sa kable sang kuryente sang ini ang naglumpat agud nga makagwa sa nagakasunog nga ikaduha nga panalgan sang balay.
Sa report sang Bacolod City Disaster Risk Reduction Management Office (DRRMO) may yara sang 11 ka structures ang nasunog kun sa diin anum ang totally damaged kag lima naman ang partially damaged.
Ginalantaw nga nagdangat sa P75,000 ginbilin nga kahalitan sang nagluntad nga sunog.
