12 ka professor kag estudyante, arestado bangod sa pagpatigayon sang protesta batok sa ICE operations sa Columbia University sa New York

Nagresulta sa pagkaaresto sang 12 ka mga professor kag estudyante ang hublag-protesta kontra U.S. Immigration and Customs Enforcement (ICE) sa Columbia University sa New York sang Huwebes, Pebrero 5.

Ginbalabagan sang mga demonstrador ang Broadway sa 116th Street bilang panawagan nga himuon nga “sanctuary campus” ang unibersidad kag untaton ang pagpakigbuligay sa ICE.

Nag-upod sa protesta 150 ka mga tawo nga gin-organisar sang grupo sang faculty kag staff members nga ginatawag nga CU Stands Up.

Sila man ang naga-host sang weekly vigils nga nagapamatok sa ICE sa gwa sang Columbia gates sa nagligad nga 40 ka semana.