Natalana nga i-review sang Malacañang ang 125-day accomplishment report sang Independent Commission for Infrastructure (ICI) angot sa flood control scandal.
Ini ang gin-anunsyar ni Palace Press Officer Undersecretary Claire Castro kag ginpahayag nga napasa na ang report sa Office of the Executive Secretary (OES).
Madumduman nga ginpasa sang ICI ang amo nga report sa opisina sang Presidente sang Biyernes, Pebrero 6 kun sa diin nahighlight diri ang ila nga accomplishments halin sang nagsugod ang ila operasyon sang Septembre 2025.
Suno sa commission nga halin sang Septyembre 15,2025 tubtob Enero 18, 2026, nakasumiter sila sang siyam ka referrals sa Office of the Ombudsman nga ginabug-usan sang 65 ka mga indibidwal.
Nakoordinar naman sang ICI ang referral sang isa pa ka set sang 66 ka tawo sa Department of Justice (DOJ) para sa issuance sang immigration lookout bulletin orders.
