Ginkumpirmar sang Hong Kong Drainage Services Department ang 18 ka kaso sang pagbaha sa nagkalain-lain nga bahin sang Hong Kong pasado alas 8:00 sang aga sang Martes, Agosto 6, lakip na ang isa ka paradahan sa Tseung Kwan O kag iban nga flood-prone areas sa Hong Kong Island.
Naggamit sang panibag-o nga robotic technology ang ahensya kag nakaresponde na sa 11 ka mga persona sa baha sang udto.
Sa bahin sang King Yin Lane car park, halos 20 ka mga salakyan ang lubog sa gihapon sa baha, lakip na ang isa ka taxi nga halos indi na makita ang mga bintana.
Walo sa mga salakyan ang nabilin sa gihapon sa lugar pagkatapos sang pila ka oras.
Nagpanawagan naman ang tag-iya sang salakyan sa gobyerno nga i-upgrade ang drainage system sa lugar agud malikawan ang mga kaangay nga insidente.
