Napasaka na ang kaso nga rape batok sa Indian National nga gin-alegar nga naghimulosa 19 anyos sa Barangay Taculing, Bacolod City kagab-i.
Una na nga ginpahayag ni Police Captain Dax Santillan, station commander sa Bacolod Police Station 6, desidido ang 21 anyos nga babayi nga magpasaka sang kaso batok sa Indian National kun sa diin ginhulat nalang nga ma gwa ang resulta sang medico legal.
Suno kay Santillan, nagkilal-anay ang duha sa dating app, kag kahapon ang ila nga first meet up kag ang Indian National ang nahibaluan nga nagapa-utang.
Suno sa biktima, sa ila pagtabuay gin-angkas ini sang suspetsado kag siya ang nag-upod man.
Wala naman sang problema sa ila nga pagrides, tubtob nga ini ang gindala sang Indian National sa iya gina-arkilahan nga balay sa Teres 1 Subdivision sa Barangay Taculing.
Didto na kag ginpasulod sang Indian National sa balay ang biktima kun sa diin natabo ang gina-alegar sexual assault.
Nahimo naman sini nga makacontact sa iya nga classmates agud magpangayo sang bulig.
Nagpahayag man ang kaingod sa balay, nga kaangay nga ginpagutman ang biktima nga nakagwa pasado alas-6:00 na sang gab-i.
Ang suspetsado ang wala man gilayon nadakpan bangod nanirado kag nanago sa sulod sang balay.
Suno kay Santillan, nagsumiter na sang affidavit ang biktima kaupod sang iya pamilya sa ila pagpadulong sa Bacolod Police Station 6 kaina, kag sa karun ginahulat na lamang ang resulta sang medico legal agud mahingagaw ang pagpasaka sang kaso.
Paathag sang station commander nga sa kaangay nga kaso, 36 oras ang ginahatag nga reglementary period tubtob nga marelease ang suspect kag mahulog na lamang sa regular filing ang kaso.
