Wala naglaum ang first runner up sang Lin-ay sang Negros 2025 nga mangin isa sa tagdaog sang pageant.
Sa interview sang Bombo Radyo kay Maxine Louisse Martin, representative sang Ilog Municipality, indi sini malipatan nga sa likod sang stage kun kaisa nagahibi ini bangod sa tensyon kag kakulba apang yara gid ang iya iloy nga naga-upod kag suporta sa iya.
Suno diri, todo suporta ang iya pamilya sa iya nga nagduso sa iya magpadayon kag sa karun luyag gid sini nga mapalipay ang iya iloy nga nagtudlo sa iya kun ano man ini sa karun.
Ginpakigbahin man sini kun ano ka simple kag manami ang kabuhi sa banwa sang Ilog, kag tuman ang kalipay sini nga irepresenta ang banwa.
Mensahe sini. i-enjpy lamang ang journey kag experience sa life kag kun maghimo sang madamo nga memories tubtob sa ikasarang.
