Nakilala na ang duha ka mga lalaki nga nasapwan sa sulod sang kampo sa Hacienda San Roque, Barangay Cubay, La Carlota City, Negros Occidental, kaina, alas- 8:30 sang aga.
Sa latest nga impormasyon nga nakuha sang Bombo News Team nakilala na kanday Ernesto Jawud alyas Atong 32 anyos ang nakahublas samtang ang isa ang ginkilala kay Glenn Arnaiz alyas Palo up lunsay mga residente sang Barangay 6, Bacolod City.
Ang mga bangkay ang positibo nga ginkilala sang ila mga live-in partners.
Sa interview sang Bombo Radyo Bacolod kay Police Captain Rosinie Cabuena, Deputy Chief of Police sang La Carlota City Police Station, ginahulat pa sang mga ini ang resulta sang sang postmortem examination agud nga mahibaluan ang rason sang kamatayon sang duha ka mga biktima.
Suno kay Cabuena, isa sa mga bangkay ang may identifying tattoo sa nawala nga abaga samtang ang isa ang naputos sang trapal.
Suno diri, nabaton nila ang report pasado alas 10:00 ang takna kaina sang aga kun sa diin nagresponde gilayon ang mga yara sa checkpoint kag nagsunod man ang duty investigator.
Ginpahayag man nga ang bangkay ang una nga nasapwan sang nagaronda nga nagatrabaho sa Hacienda kun sa diin gina-alegar nga nakita ang ginlubong nga bangkay.
May yara man sang mga lagob ukon senyales sang hematoma ang lawas sang isa sa mga nasapwan.
