Dakop ang duha ka mga persona sa separado nga buybust operation nga ginpatigayon sang Police Station 6.
Sa interview sang Bombo Radyo kay Pol. Captain Elmer Bonilla, ang suspetsado ginkilala nga si Ramon Eisio sang Ferer Road, Lopez Jaena, Brgy. 28, Bacolod City kun sa diin nakuha sa iya posession ang 1 heat sealed transparent sachet sang suspected shabu, 1,000 pesos nga buybust money, kag 10 heat sealed transparent sachet sang suspected shabu nga may balor 60,000 pesos.
Samatang, dakop man si Anjoe Pillone sa Rosario Berbina, Brgy. 33, Bacolod City kun sa diin nakuha sa panghinakop sini ang 1 heat sealed transparent sachet, 6 heat sealed transparent sachet sang suspected shabu nga nagabalor 15,000 pesos, kag 300 pesos nga buybust money.
Sa karon yara na sa kustodiya sang mga kapulisan ang mga suspetsado nga naga-pangatubang sang kaso nga paglapas sa Repuplic Act 9165 ukon Comprehensive Dangerous Drugs Act of 2002.
