Padayon pa sa gihapon nga ginapangita ang suspetsado nga gina-alegar nag-abuso sa duha ka nayon nga baboy sa Brgy. East, Candoni, Negros Occcidental kahapon.
Sa interview sang Bombo Radyo kay Nicholas Lachica, pinuno sang Candoni Assistance, Rescue and Emergency Services, iya ginpahayag nga duha tanan ka mga baboy sa nasambit nga lugar ang gin-abusuhan ginabanta kahapon sang kaagahon.
Base sa panaysayon sang tag-iya suno kay Lachica nga si Jose Torres, nakibot na lamang sila sang sila sang may nakita sila nga nagalapta nga dugo sa ila nga baboyan.
Suno kay Lachica, ang duha ka mga baboy ang ginpa-inspeksyon sa ila nga municipal livestock inspector kag didto nakumpirmar nga ang duha ka mga baboy ang gin-abusuhan.
Ang kinatawo ukon vulva sang isa ka baboy ang nag-ulbo bangod ini ang ginsudlan sang kamot kag may agi pa sang kutsilyo samtang ang isa naman ka nayon nga baboy ang kumpirmado nga ginhimuslan.
Ginpahayag ni Lachica nga ang tag-iya ang wala nakabati sang ano man nga iwik sang mga baboy bangod malayo ang balay sini sa baboyan.
Posible naman suno kay Lachica nga nalabayan sang hubog ang mga baboy kag ini ang natripan.
Sa karon, padayon pa nga ginapangita ang suspetsado nga naghimulos sa nasambit nga mga baboy.
Posible nga napasudlan sang foreign object ang vulva sang baboy sa banwa sang Candoni rason nga ini ang nag-ulbo.
Ini ang pahayag ni Provincial Veterinarian Dr. Renante Decena.
Suno kay Decena, kun indi oras sang pa-hit saag baboy kag kun wala sang ovulation, posible nga magdugo ang kinatawo sang sini kasubong kun magpalais sang baboy.
Ginpahayag ni Decena nga ang sex ang isa ka animal instinct apang ang ovulation sang baboy ang lain.
Nagakadapat suno kay Decena nga i-assess kag i-examine sang veterinarian ang baboy agud mahibaluan ang damage kag ini ang pagahatagan sang antibiotics agud mapabalik sa normal ang function sini.
Kada sapat sa kalibutan suno sa iya ang may kapares kasubong man sa tawo.
Suno kay Decena, indi normal para sa isa ka tawo nga manghimulos sa isa ka sapat kag posible nga ang tawo nga naghimo sini ang may problema sa paminsaron.
Ginpahayag naman ni Decena nga wala man sang chansa nga magbusong ang baboy apisar nga natandog ini sang tawo bangod lain ang ila nga chromosomes.
