Padayun ang search and rescue operation sa duha ka persona nga naanod sa suba sa banwa sang Mabinay kag Pamplona sa Negros Oriental.
Sa interview sang Bombo Radyo Bacolod kay Negros Oriental Police Provincial Office (NORPPO) Spokesperson Police Lt. Stephen Polinar, ang biktima sa banwa sang Mabinay ang ginkilala nga si Junjun Erojo, legal age, isa ka mangunguma.
Siya ang magatabok kuntani sa Tabuay River kapin ala-1:30 kahapon sang hapon, apang ini ang naanod sa mabaskog nga daludo sang tubig.
Samtang sa banwa sang Pamplona, ang biktima nga si Kevin Cacas, 22 anyos ang may isa pa nga kaupod sang magtabok sa suba alas-3:00 kahapon sang hapon, sang sila ang maanod sang daludo sang tubig.
Suno kay Polinar, ang isa ang nahimo nga marescue kahapon apang si Cacas ang wala na makit-an.
Padayun sa karun ang ila nga search and rescue operations.
Paathag ni Polinar nga malayo sa shoreline ang nasambitan nga mga suba bangod ang mga banwa ang yara sa sentro sang Negros Oriental.
