Halos P1.5 million ang balor sang suspected shabu nga narecover sa duha ka persona sa ginpatigayon nga drug buybust operation sa Circumferential Road, Barangay Bata, Bacolod City, ala-1:20 kaina sang kaagahon.
Ang subject ang ginkilala nga si Alyas Gang ukon Elias, 39 anyos, lalaki, wala sang trabaho kag residente sang Islamic Center Lopez Jaena Street, Barangay 31, Bacolod City; samtang dakop man ang kaupod sini nga si Alyas CD, 20 anyos, lalaki, residente sang Prk Pinetree, Brgy Bata, Bacolod City.
Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).
Narecover sa duha ang apat ka knot-tied kag anom ka heat sealed transparent plastic sachet sang suspected shabu nga ginabanta nagabug-at sang 220 grams nga may standard drug price nga P1,496,000.
