Napasakaan na sang kaso ang duha ka suspek nga nagpatay sa 17 anyos nga si Freya Mae Go nga nasapwan nga wala sang kabuhi sa kahilamunan nga bahin sang Barangay 12, Bacolod City sang Oktubre 22, 2025.
Madumduman nga nasapwan si Go nga nakabaklid, may gapos ang kamot kag wala na sang pang-idalom nga panapton.
Suno kay BCPO City Director Police Colonel Eugene Rebadomia, anum ang ginkabig nga person of interest kag duha ang nakumpirmar nga amo ang nagpatay sa biktima.
Suno diri, rape with homicide ang kaso nga ginfile batok sa mga suspek.
Suno kay Rebadomia, nakilal-an ang mga suspek santo sa mga naretrieve nga messages kun sin-o ang naesturya ni Go kag sila ang ulihi nga nakita nga kaupod sang biktima santo sa mga CCTV footage nga nakuha sang mga kapulisan.
Sa karun ginahulat na lang ang paggwa sang warrant of arrest para madakop na ang mga suspetsado.
Samtang ginpahayag ni Bacolod City Mayor Greg Gasataya nga ginduso sini nga masolbar ang kaso bangod indi sini luyag nga mapabay-an nga indi mahatagan sang hustisya ang makasilidhi nga krimen nga natabo kay Freya Mae Go.
Suno sa alkalde, matapos ang pito ka bulan, importante nga nasolbar na ang kaso kag kalabanan sa mga detalye natugyan na sa korte.
Suno diri, nakilal-an na ang mga suspek kag napasakaan na sang kaso kag sa karun ginahulat na lang ang warrant of arrest para maaresto ang mga ini.
