Gincertify ni President Ferdinand Marcos Jr. bilang urgent ang general appropriations bill natuhoy sa ginapropose nga P6.352-trillion 2025 national budget.
Ang mensahe sang Presidente kay House Speaker Martin Romualdez ang iya ginbasa sa House session sang Martes.
Sa mensahe nga napetsahan Setyembre 24, ginacertify sang Presidente sa necessity sang immediate enactment ang House Bill 10800 ukon ang budget bill.
Ini agud masiguro ang uninterrupted operation sang critical government functions, pagarantiya sang allocation sang fiscal resources sang vital initiatives kag pagpahanugot sang gobyerno nga gilayon nga makaresponde sa nagapadayon nga mga pagpanghangkat.
Suno sa Office of the House Speaker, ang certification ang magapahanugot sa House of Representatives nga aprubahan ang 2025 GAB lunsay sa second kag final reading sa kaangay nga adlaw.
Samtang, bangud sa absence ni Vice President Sara Duterte sang Martes, ang budget sang OVP ang liwat nga igalakip sa Miyerkules para sa sponsorship kag debate.
