Arestado ang 28 anyos nga lalaki matapos ginserbihan sang 4-counts of rape bangod sa paghimulos sa iya 13 anyos nga hinablos nga babayi sa ciudad sang Sagay.
Sa interview sang Bombo Radyo Bacolod kay Police Captain Hannah Mesheil Banquil, deputy chief of police sa Sagay City Police Station, ang paghimulos ang natabo Marso 6 apang sang Marso 11 na sang nareport matapos nga nanugid ang dalagita sa iya nga amay.
Mayo 9 sang gindagdag sang korte ang warrant of arrest, gani gilayon man nila nga gin-operate ang suspetsado.
Ang suspetsado ang half brother sang amay sang biktima, kag sila ang indi man isa sang puluy-an apang masami nga nagalagaw sa balay sang biktima.
Ang biktima ang natalana naman nga patigayunan sang psycho-social therapy kag iban pa nga mahimo mabulig sang Department of Social Welfare and Development (DSWD) – Sagay City apang ini ang nagapabilin sa kustodiya sang iya pamilya.
