BACOLOD CITY— Tatlo ang patay samtang apat naman ang pilason sa nagluntad nga vehicular accident sa Barangay Villamonte, ciudad sang Bacolod kaina sang kaagahon.
Santo sa impormasyon nga nakuha sang Bombo Radyo Bacolod, nagbungguanay ang Ford Eco Sport kag isa ka tricycle sa Benigno S. Aquino Drive.
Bangud sa katodo sang impact, gilayon nga ginbawian sang kabuhi ang iloy nga si Erlinda Villar kag duha ka mga anak sini nga sanday Melinda Tesoro kag Rodelyn Nasis.
Padayon pa nga ginabulong sa ospital ang mga pilason nga sanday Merlinda Barsenas, Erica Tesoro, Jeralyn Villar kag driver sang tricycle nga si Elvis Barsenas.
Ginaimbestigaran pa man sang Bacolod City Police Station 4 ang nasambit nga aksidente.
Ginapahayag nga nagikan sa ospital ang mga sakay sa tricycle kag papauli na sa ila balay sang nakasugata sang aksidente.
