Indi magnubo sa 30 ka mga faith-based organizations kag religious groups ang nagperma sang isa ka consolidated position paper nga hugot nga nagapamatok sang hagna nga nagalegalize sang divorce sa Pilipinas.
Ini matapos natransmit na sa Senado ang isa Absolute Divorce Bill nga gin-aprubahan sang Kamara.
Ang mga grupo, nga ginalakipan sang mga lay organizations, diocesan councils kag ecumenical groups sa pungsod, ang nagpahayag nga ang divorce ang nagaviolate sa sanctity sang kasal, nagaguba sa pamilya kag nagapakanubo sang marital commitment.
Santo sa consolidated position paper, ang availability sang isa ka legal option para sa pagterminate sang isa ka valid marriage ang nagadestabilize sang marital bond kag sang unit sang pamilya mismo.
Ginclaim man sang grupo nga ang divorce ang nagabayolar sang 1987 Philippine Constitution, nga nagakilala sang kasal bilang “inviolable” ukon indi dapat maguba.
Ginhangkat man sang signatory faith-based organizations kag religious groups ang mga mamalidha kag si President Ferdinand Marcos Jr. nga ipreserba ang permanente nga character sang kasal kag mag-introduce sang mga layi nga maga-address sa ila gintawag indi efficient kag mahal nga Declaration of Nullity process, pagpang-abuso sa asawa kag indi supisyente nga pagpreparar sang kasal.
Nagkomiter man ang mga grupo nga mas pasanyugon pa ang ila efforts agud ma-edukar, magcounsel kag maghatag sang suporta sa mga couples agud mabuligan ang mga ini sa pagpreparar kag paglab-ot sang demands sang marital life.
