31 tanan ka mga wanted persons ang naaresto sang Police Regional Office 6 (PRO6) sa sulod lamang sang isa ka adlaw.
Sa interview sang Bombo Radyo Bacolod kay PRO 6 Spokesperson Police Lt. Col. Arnel Solis, humalin alas- 6:00 sang aga sang Hulyo 7 tubtob alas- 5:59 sang kaagahon sang Hulyo 8, 2024, natigayon nga madakpan ang pito ka mga most wanted persons kag 24 ka mga other wanted persons.
Isa ang naaresto sa Aklan Police Provincial Office, lima sa Antique Police Provincial Office, anum sa Iloilo PPO, 14 sa Negros Occidental PPO, duha sa Bacolod City Police Office, isa sa Iloilo City Police Office kag duha sa Regional Mobile Force Battalion 6.
Nalakip sa mga naaresto amo si alias Apoy nga ginakabig nga rank 8 most wanted sa kaso nga rape sa Barangay Abilay, Maasin, Iloilo kag pagkaaresto kay alias Jomar nga miyembro sang communist terrorist group sa idalum sang Northern Negros Front, Kometing-Rehiyon, Negros.
Suno kay Solis, ang pag-aresto sa mga wanted persons ang may dako nga epekto sa peace and order sa rehiyon kag dako ang nabulig sini nga malikawan ang pagluntad sang mga krimen.
