Dumalahan ni Cheryl Cole, ang anay partner ni late One Direction member Liam Payne, ang nabilin nga $32.2 million nga manggad sang napatay nga anay One Direction member.
Si Cheryl ang iloy man sang walo ka tuig nga bata nga lalaki ni Liam.
Ini ang nangin desisyon sang korte matapos nga mapatay ang singer nga wala sang “will”.
Ginakumpirmar sang isa ka dokumento gikan sa korte nga si Cheryl ang gin-appoint bilang administrator sang nasambit nga balor sang manggad ni Liam kaupod si Attorney Richard Mark Bray.
Nagsugod sa pag-date sanday Cheryl kag Liam sang 2016.
Nabun-ag naman ang ila anak nga si Bear Grey sang 2017.
Apang sang 2018, nagbulaganay ang celebrity couple kag nag-co-parenting sa ila bata humalin sadto.
Madumduman nga napatay si Liam matapos ini nga mahulog halin sa hotel balcony sa Buenos Aires, Argentina sang October 16, 2024.
