Ginalauman nga 34 million Filipinos ang makabenepisyo sa gin-aprubahan sang National Food Authority (NFA) Council nga pagbaligya sa mga daan nga NFA rice sa merkado sa manubo nga presyo.
Tinalikdan nga adlaw, ginpahayag sang Department of Agriculture (DA) nga gin-aprubahan na sang NFA Council nga ibaligya na ang daan na nga stock sang bugas sang NFA sa presyo nga P29 kada kilo.
Apisar nga daan na ang bugas, ginsiguro sang ahensiya nga maayo sa gihapon ang kalidad sang mga ini.
Suno kay DA Secretary Francisco Tiu Laurel Jr, ginsiguro sini nga makabenepisyo ini sa 34 million ka mga Pilipino nga ginabug-usan sang mga solo parent, PWD, mga senior, kag mga pigado nga pamilya.
Suno sa DA secretary, umpisahan na ang baligyaanay sa mga Kadiwa rolling stores sa mga masunod nga tinuig kun sa diin ang tagsa ka mga kwalipikado nga benepisyaryo ang mahimo nga makabakal sang tubtob 10 kgs kada bulan.
Ginalauman nga kinahanglan sang gobyerno nga magpain sang 69,000 metric tons sang bugas kada bulan agud nga masabat ang demand santo sa numero sang mga benepisyaryo.
