Patay ang walo ka tuig nga bata nga lalaki matapos matumbahan sang palm tree sa Purok Fire Tree, Barangay Bulanon, Sagay City alas-3:40 sang Miyerkules, Agosto 5.
Sa inisyal nga impormasyon, samtang naga-cellphone ang menor de edad sa sulod sang ila balay kaupod ang ya iloy kag ang iya kapid nga babayi, nabatian nila ang pagcrack sang puno sang buri kag nagtupa sa ila balay.
Ang puno sang kahoy ang maykalayuon nga 10 meters gikan sa ila nga balay.
Bangud sini, wala na nakapangaman pa ang biktima kag na-igo ang iya nga ulo.
Samtang, luwas naman nga nakaggwa sa ila balay ang iya iloy kag ang iya utod.
Gilayon nga gindala sa ospital ang menor de edad apang gindeklarar nga dead on arrival.
Wala sang nakita nga iban nga pilas sa lawas sini luwas lang sa naagom nga severe head injuries.
Ang nasambit nga puno sang kahoy ang ginabanta yara sa 60-feet ang kalaba-on.
Suno naman sa mga residente sa lugar, 60 ka tuig na ini kag posible nga natumba bangud gabok kag mahuyang na ang mga ugat.
