Nadakpan sang Land Transportation Office – Negros Island Region (LTO-NIR) ang isa ka colorum van sa banwa sang Valladolid, Negros Occidental nga ilegal nga nagabiyahe sa ruta nga Bacolod City–Sipalay City sang Miyerkules, Agosto 5.
Natukiban nga may 11 ka mga pasahero nga sakay ang nasambit nga van nga ginasukot sang P350 tubtob P450 kada isa, apisar nga indi authorized nga mag-operate bilang Public Utility Vehicle (PUV).
Suno kay OIC Regional Director Jeck D. Conlu, wala sang lugar ang mga colorum operations sa dalanon.
Suno diri, nagapilin ang LTO- NIR nga nagatutok sa pagprotekta sa riding public paagi sa pagpasiguro nga ang mga authorized public utility vehicles lamang ang ginatugutan nga maga-operate sa rehiyon.
Liwat nga ginpaadam sang LTO-NIR sa mga pasahero nga i-patronize lamang ang authorized public utility vehicles kag ireport ang mga ilegal nga transport operations para sa luwas nga transportasyon.
