38 anyos nga lalaki, dakop sa pagbaligya sang suspected shabu sa sementeryo sa Sibulan, Negros Oriental

Arestado ang 38 anyos nga lalaki nga ginkilala nga si Shakira sa drug buybust operation nga ginpatigayon sa semeteryo sa Purok 5A, Sitio Campaclan, Brgy Poblacion, Sibulan, Negros Oriental.

Ang operasyon ang ginpangunahan sang Provincial Drug Enforcement Unit sang Negros Oriental Police Provincial Office (NORPPO), upod sa Sibulan Municipal Police Station kag iban pa nga police units.

Kun sa diin narecover kay Shakira ang 10 ka medium kag isa ka small heat-sealed transparent plastic sachet sang suspected shabu.

Ang suspected shabu ang ginabanta nagabug-at sang 61 gramos nga may standard drug price nga P414,800.

Ang suspect ang natalana na nga pasakaan sang kaso sa paglapas sa Republic Act 9165 ukon Comprehensive Dangerous Drugs Act of 2002.