Ginkaselar sang Philippine Coast Guard (PCG) ang byahe sang mga sakayang pandagat padulong sa Manila.
Kanselado tanan nga byahe Bacolod to Manila kag Manila to Bacolod bangod napaidalom sa Storm Warning Signal No. 1 ang Manila tuga sang Tropical Storm ENTENG.
Sa interview sang Bombo Radyo Bacolod kay Commander Jansen Benjamin, Commander sang Philippine Coast Guard Northern Negros Occidental, gin-anunsyo sang alas-8:00 kahapon sang aga ang kanselasyon sang byahe sang mga sakayang pandagat.
May ara sang 389 ka mga pasahero nga padulong kuntani sa Manila ang na stranded sa BREDCO port.
Samtang ang byahe naman gikan sa Bacolod padulong sa Panay kasubong man ang byahe gikan sa Negros Occidental padulong sa cebu ang magapadayon sa normal nga operasyon.
