Nangin madinalag-on ang opening sang 3rd Negros Island Region – Private Schools Athletic Association (PRISAA) 2026 nga ginhiwat sa ciudad sang Bacolod.
Ang NIR PRISAA, nag-umpisa sang Marso 9 nga magalawig tubtob sa Marso 16.
Ang pahampang patigayonon sa STI West Negros University kag Panaad Park and Stadium sa paghost sang buluthuan.
Suno kay Ryan Mark Molina, presidente sang national kag NIR PRISAA, 22 ka mga private schools sa rehiyon ang nagpasakop sa pahampang.
Nagpasalamat ini kay Negros Occidental Governor Eugenio Jose ‘Bong’ Lacson, Bacolod City Mayor Greg Gasataya, kag sa board of directors sang PRISAA.
Suno kay Molina, kun sin-o man ang mangin champion, sila ang ipadala sa national para magpresenta sa rehiyon.
Ang national PRISAA patigayonon sa Mayo sa paghost sang ciudad sang Negros Occidental.
Ginalauman sini nga magdaog ang STI West Negros University matapos ang tanan nga effort nga ginhatag sang buluthuan.
