Pilason ang apat ka persona matapos mabungguan sang salakyan sa Magsungay Street, Prk Talaba, Brgy Singcang-Airport, Bacolod City.
Sa interview sang Bombo Radyo Bacolod kay Police Major Elmer Bonilla, head sang Traffic Management Unit sang Bacolod City Police Office, nahulog sa ginakay-o nga dalan ang royda sang Mitsubishi Xpander nga ginadala sang babayi nga driver.
Apang imbes nga magprino, gasolinador ang natapakan sang driver gani wala sini makontrolar ang salakyan kag ini ang nag-awas sa dalan.
Gin-ara sini ang bisikleta, motorsiklo, trycicle, tubtob nga naglab-ot sa isa ka talyer.
Apang naman ang napilasan nga ginalakipan nanday Alyas Rodel, 20 anyos, residente sa Brgy Singang, nga nag-agom sang minor injury sa nawala nga kamot; Alyas Jimmy, 28 anyos, residente sang Prk Minoyan, Murcia, nga nag-agom sang multiple abrasion; pito ka tuig nga bata nga lalaki nga nag-agom sang minor abrasion sa nawala nga guya kag nawala nga abaga; kag Senior Citizen nga si Alyas Tito, residente sang Prk Calong Calong Zone 3, Brgy Singcang-Airport, nga nag-agom man sang minor abrasion.
Hilway naman sa katalagman ang mga biktima, samtang ang driver ang gindala man sa Bacolod Police Station 8 kaupod sa pag-impound sang salakyan.
Nagpasalig man ang driver nga sabtun niya ang pagpabulong kag bayaran ang mga biktima kasubong man ang mga damages.
