Patay ang 40 anyos nga lalaki nga nagmaoy matapos nga ginluthang sang isa ka pulis sa Brgy Tabuc-tubig, ciudad sang Dumaguete, probinsya sang Negros Oriental, sang Huwebes, kapin alas-7:00 sang gab-i.
Ang biktima ang ginkilala nga si Alejandro, 40 anyos kag residente sang Ayungon, Negros Oriental.
Sa interview sang Bombo Radyo Bacolod kay Rowena Dela Peña Catan, pakaisa ni Alejandro, nakabaton ini sang video gikan sa iya nga pamilya nga yara sa ila balay sa lugar kun diin natabo ang insidente.
Suno diri, nagamaoy si Alejandro sa dalan nga may bitbit nga kutsilyo kag ginpatawagan sang pulis.
Pag-abot sang pulis ila pa gintinguhaan nga mapakalma si Alejandro apang wala ini namati kag nagdalagan para atakehon si Patrolman Vendiola.
Gilayon man nga gintiro ni Vendiola si Alejandro nga gintunaan sang kamatayon sini.
