“Biblical Eating” ukon pagkaon lamang sang mga pagkaon nga nasulat sa bibliya, bag-o nga eating trend sa social media?

Isa ka panibag-o nga eating trend nga ginatawag nga “biblical eating” ang trending subong sa social media sa diin kaunon lamang ang mga pagkaon nga nasambit sa Bibliya.

Santo sa report, nagadamo ang mga sumulunod sang amo nga ‘lifestyle’, kalakip ang mga content creator kaangay ni Kayla Bundy nga may yara sang masobra 500,000 followers sa TikTok.

Ginpakigbahin niya ang mga recipe kag tips sa pagkaon base sa Bibliya kag ginahimo man niya ini nga negosyo paagi sa online guides kag coaching sessions.

Sa baylo sang calorie counting ukon keto diet, mas ginpili sang pipila ang pagkaon sang tinapay, isda, prutas, kag iban pa nga “holy foods” nga yara sa Bibliya.

Para kay Bundy, ang amo nga tikang ang ginapatihan pangbato batok kay Satanas.

Kalakip man sa mga naga-promote sang biblical eating amo sanday Abbie Stasior kag Annalies Xaviera, nga ginaagda ang pagkaon sang natural kag indi processed nga pagkaon kadungan sang pagpangamuyo kag pagbasa sang mga Bible verses.

Madugay na nga existing ang konsepto sang biblical eating, apang nagsikat ini subong bangud sa impluwensya sang social media kag pagsaka sang interes sang mga tawo sa spiritual kag religious lifestyles.