Dead on the spot ang 41 anyos nga lalaki matapos ginbuno sang iya stepbrother sa Urban Phase 4, Fatima Village, Brgy. Rizal, San Carlos City, Negros Occidental.
Ang biktima ang ginkilala nga si Charles Ian Alquisalas, 41 anyos samtang ang iya manghod ang ginkilala nga si Alexis Cueva, 27 anyos, lunsay mga residente sang nasambit nga lugar.
Sa interview sang Bombo Radyo kay PCapt Rodney Sarona, Deputy Chief of Police sang San Carlos City Police Station, sa imbestigasyon nag-away ang duha ka mag-utod kun sa diin ginbuno ni Cueva ang iya magulang sa dughan.
Gilayon naman nga nalagyo si Cueva apang nadakpan ini sa hot pursuit operation sang kapulisan.
Suno kay Sarona, may yara sang record sa Barangay kag kapulisan si Alquisalas angot sa pagpanakit sini sa iya anay live-in partner kag siya ang masami nga ginareklamo bangod sa pagpangawat.
