Patay ang isa ka 49 anyos nga lalaki matapos nga gintiro sang wala makilal-an nga suspetsado sa Sitio Lapak, Brgy. Robles, La Castellana, Negros Occidental, kahapon sang hapon, Marso 20, 2026.
Ginkilala ang biktima kay Julio Calo, 49 anyos kag residente sang nasambit nga lugar.
Sa interview sang Bombo Radyo Bacolod kay Police Major Romulo Gepilango, hepe sang La Castellana Municipal Police Station, sa imbestigasyon sang mga kapulisan, nagatindog ang biktima kag ang asawa sini sa gwa sang ila balay sang may magdulog nga puti nga SUV halin sa La Carlota City nga direksyon.
Hinali na lamang nga ginluthang sang wala makilal-an nga suspetsado si Calo nga nagresulta sa gilayon sini nga kamatayon.
Gintinguhaan man nga malagas ang SUV apang wala maabtan.
Suno kay Gepilango, ginpahayag sang mga residente nga nakabati sang madamo nga lupok sang armas-luthang.
Ang biktima ang nakaagi man dakop sa kaso may kaangtanan sa illegal nga druga sang October 5, 2018 kag ini ang isa sa ginalantaw nga motibo sa pagpatay.
Suno kay Gepilango, ang biktima ang isa ka job order sa ciudad sang Himamaylan, Negros Occidental.
Sa karun padayon ang imbestigasyon sang mga kapulisan agud nga matumod ang suspetsado para maaresto kag motibo sa pagpatay sa biktima.Suno kay Gepilango, ginpahayag sang mga residente nga nakabati sang madamo nga lupok sang armas-luthang.
Ang biktima ang nakaagi man dakop sa kaso nga may kaangtanan sa illegal nga druga sang October 5, 2018 kag ini ang isa sa ginalantaw nga motibo sa pagpatay.
Suno kay Gepilango, ang biktima ang isa ka job order sa ciudad sang Himamaylan, Negros Occidental.
Samtang sa impormasyon nga nakuha sang news team, ang biktima ang nagatrabaho sa FM radio.
Sa karun padayon ang imbestigasyon sang mga kapulisan agud nga matumod ang suspetsado para maaresto kag motibo sa pagpatay sa biktima.
