Lima tanan ang nagfile para sa posisyon sa pagka-gobernador sang probinsya sang Negros Occidental.
Kaina sang aga, nagfile sang Certificate of Candidacy si anay Victorias City Mayor Francis Frederick Wantan Palanca para sa posisyon.
Nagpasa man sang COC kaina si Ernesto Librando sang Calatrava paagi sa authorized representative sini nga si Anastacio Mambua.
Madumduman nga una nagfile sang COC para sa posisyon sang Gobernador amo ang mangunguma nga si Ferdinand Etabag Diego alyas Bongbong Gorilla, 50 anyos kag residente sang Barangay Gatuslao, banwa sang Candoni, Negros Occidental.
Nagsunod diri si Negros Occidental Governor Eugenio Jose “Bong” Lacson nga nagpasa sang COC para sa ikatatlo nga termino sini bilang gobernador.
Kag ikatatlo amo si Architect Jonathan Paul Octaviano sang Partido Lakas ng Masa.
Samtang, sa pagkabise-gobernador naman nagfile sang tinalikdan si Board Member Jose Benito Alonso para sa posisyon samtang kahapon nagfile man si Rosemarie Dreyfus sang Silay City bilang bise gobernador sang probinsya.
