Indi magnubo sa lima ka mga persona ang nadulaan sang kabuhi matapos ang paglaslas ni Typhoon Shanshan sa Japan kahapon.
Ang nasambit nga bagyo nga isa sa pinakamakusog nga nag-igo sa Japan sa sulod sang pila ka dekada ang amat-amat na nga nagahinay.
Apang antes pa man ini naglandfall sa isla sang Kyushu, isa ka landslide nga nagtuga sang makusog nga pag-ulan ang gintunaan sang kamatayon sang tatlo ka mga miyembro sang isa ka pamilya sang Martes sa Aichi prefecture kapin 1,000 kilometers ang kalayuon.
Duha ka dugang nga persona ang ginreport nga napatay lakip na ang isa ka lalaki nga ulihi nga nakit-an sa isa ka gamay nga bangka sa Kyushu kag ang isa naman ang nagcollapse ang duha ka panalgan sini nga puluy-an sa Tokushima prefecture sa malapit nga isla sang Shikoku.
Indi magnubo sa 81 ang napilasan lakip na ang mga nakaangkon sang pilas bangud sa nagkalaguba nga bintana kag atop sang naglaslas ang bagyo.
