Magapabilin sa lima ka tuig ang termino sang mga opisyal sang barangay kag Sangguniang Kabataan (SK) matapos gindeklara sang Supreme Court (SC) nga ini ang konstitusyunal.
Ginbasura sang Supreme Court ang petisyon nga gin-file ni election lawyer Atty. Romulo Macalintal batok sa Republic Act No. 12326, nga nag-amyenda sa anay apat ka tuig nga termino sang mga opisyal sang barangay kag SK.
Sa desisyon nga ginsulat ni Associate Justice Rodil Zalameda, ginpaathag sang Korte nga ang nasambit nga layi ang nagtukod sang kalawigon sang termino sang mga opisyal kag indi lamang basta pagsuspender sang eleksyon.
Bangud sini, sa Nobyembre 2028 pa patigayunon ang masunod nga Barangay kag Sangguniang Kabataan Elections (BSKE).
Pagkatapos sini, kada lima ka tuig na igahiwat ang masunod nga eleksyon.
Madumduman nga ginpirmahan ni President Ferdinand Marcos Jr. ang RA 12326 sang Setyembre 24, 2026.
Nag-file si Macalintal sang petisyon sa Supreme Court agud kwestyunon ang legalidad sini apang ginbasura sang korte.
