50 ka mga benepisyaryo ang nakabaton sang P10,000 nga livelihood financial assistance sang Department of Social Welfare and Development (DSWD) kahapon, Agosto 4.
Suno kay Bacolod City Mayor Gasataya, ginhatagan sang prayoridad sa programa ang mga asawa kag iloy, ilabi na ang wala sang regular income ukon nagakinahanglan sang dugang nga income agud masuportahan ang ila pamilya.
Ini agud mangin kapital sa pagsugod sang ila tagsa ka negosyo.
Ginalauman nga ini ang magamit sa pagsugod sang gamay nga negosyo kaangay sang sari-sari store, pagbaligya sang pagkaon, ukon iban pa nga livelihood projects nga makahatag sang tayuyon nga income.
Ginpabutyag man sang Alkalde nga ang katuyuan sang programa amo ang paghatag sang oportunidad sa mga benepisyaryo nga indi lamang magsalig sa income sang ila bana ukon bata.
Nagalaum man ang alkalde nga ini ang gamiton sa husto kag magbuligay bilang organisasyon agud mangin madinalag on ang ila tagsa ka negosyo.
Apisar nga gamay ang kapital, suno kay Mayor Gasatya posible ini nga magdako basta maayo ang pagdumala.
Dugang pa sang alkalde nga ang ini nga tikang ang mas nagapalig-on sa programa sang DSWD para sa mga apektado nga drivers bangod sa padayon nga pagsaka sang presyo sang produktong petrolyo.
