Ginpasakaan na sang kaso nga administratibo ang regular employee sang Bacolod City Legal Office nga namwersa kag naggamit sang iya posisyon sa trabaho agud indi makabayad sa gin-inom sa isa ka bar.
Madumduman nga gindagdagan sang show cause order ni Bacolod City Mayor Gasataya ang nasambit nga employee matapos ginreklamo sang tag-iya sang bar nga wala nagbayad matapos mag-inom kag magkaon.
Nagpamahog man ini nga ipasira ang establisyimento kun siya ang piliton nga magbayad.
Apisar nga nakasabat na ini sa show cause, ginduso sa gihapon sang Alkalde ang pagpasaka sang kaso batok sa iya.
Suno kay Bacolod City Legal Officer Atty Karol Joseph Chiu, nag-isyu na si Mayor Gasataya sang Formal Charge for Grave Misconduct kag Conduct Prejudicial to the Best Interest of the Service batok sa empleyado kag ini ang naserbe naman sa iya.
Suno kay Chui, ginhatagan sang 10 ka adlaw ang empleyado agud magsubmit sang iya writtten explanation kag kun mapaslawan, indi na madismiss pa ang kaso batok sa iya.
