Magapanagtag sang cash assistance ang Department of Social Welfare and Development (DSWD) sa idalom sang UPLIFT program sa mga small sugar farmers sa probinsya sang Negros Occidental nga naapektuhan sa halit sang RSSI.
Sa pagpakigsapol ni DSWD-NIR Director Arwin Razo kay Negros Occidental Governor Eugenio Jose “Bong” Lacson kahapon, gin-anunsyar sini nga may maximum P10,000 nga ayuda ang ipanagtag sa small farmers paagi sa Emergency Cash Transfer (ECT).
Suno kay Razo, makigkoordinar sila sa mga Local Government Unit (LGU) kasubong man sa Department of Agriculture sa pagkuha sang lista sa mga kwalipikado nga sugar farmers sa probinsya.
Suno diri, wala sang problema sa pondo sa national government bangud may yara sang calamity fund.
Ini bangud ang probinsya ang naipadalom sa State of Calamity bangud sa nagaduging nga halit sang RSSI.
Suno diri, ginatinguhaan nga mapanagtag sa madali nga panahon ang ayuda para sa mga small sugar farmers sa probinsya.
