Nagdangat sa kapin 500 ang nag-upod sa ginpatigayon nga ‘Unity Walk’ ukon ‘Unity Caravan’ kahapon sang mga kooperatiba kag korporasyon sang Modernized Jeepney.
Ini ang kabahin sang tikang sang sektor agud pamatukan ang Senate Resolution No. 1096 nga nagapanawagan sa pagsuspender sang Public Utility Vehicle (PUV) Modernization Program.
Sa interview sang Bombo Radyo Bacolod kay Noli Jamora, Incorporator sang MBMJ & UY Transport Services, ang ‘Unity Caravan’ ang gin-updan sang mga incorporator, operator, driver, inspector kag konduktor.
Gikan sa nagkalainlain nga routa sila ang nagtingob sa Bacolod City Government Center (BCGC) grounds kag nagpatigayon sang gamay nga programa.
Ini bilang pagpakita sa gobyerno nga madamo sang ila pagsuporta sa PUV Modernization Program.
Aminado si Jamora nga may pag-iban nga 20 porsyento sa income nila kahapon kag ini ang may gamay nga kabug-atan para sa mga kooperatiba kag korporasyon nga may adlawan nga ginabayaran sa bangko.
