Sa mabugnaw nga panahon, maayo gid nga may ma-cuddle.
Apang indi man manami kun ang magcuddle sa imo ang isa ka man-og.
Kaangay sa senior citizen nga babayi sa Phra Samut Chedi district, Thailand nga nahimo makasalbar matapos ang duha ka oras nga pagpukutay nila sang man-og.
Natabo ini sa balay sang biktima nga si Arrom Arunroj, nagaedad sang 64-anyos.
Naga-isahanon siya sa puluy-an, nagpanyapon sang alas 8:30 sang gab-i, kag nagpanghugas sang pinggan sagwa sang ila balay sang gulpiyada lamang nga may nagkagat sa iya tiil.
Ini amo ang apat ka metros nga python nga nagabug-at sang kapin 20 kilos.
Ginlambudan ini apisar sa iya pagwaras kag wala sini masarangan ang kakusog sang sapat.
Apisar nga alas-10:00 sang gab-i na, ginapakamaayo nga nabatian sang kaingod sini ang iya pagpangayo sang tabang kag nakapangayo sang bulig sa otoridad.
30 minutos pa gid ang ginlawig antes nakakas sang rescuers ang man-og.
May mga pilas na ang tigulang sa duha ka oras nga engkwentro sini batok sa sapat kag nagpalangluya na ini sa kakapoy gani gindala ini sa ospital.
Nahibaluan nga indi man venomous ang pythons apang ang ila kagat ang mahimo makatuga sang infection.
