Nagsanyog na sa Severe Tropical Storm category ang Bagyo Kristine, samtang naghinay naman ang hulag sini padulong sa northwestward portion sang Northen Luzon.
Ang mata sang bagyo ang ulihi nga nasiplatan sa vicinity sang Tumauini, Isabela.
Ini ang nagadala ang hangin nga nagadangat sa kabaskugon nga 95 km/h kag pagmadlos nga tubtob 160 km/h, samtang nagahulag sa West Northwestward nga dereksyon sa kadasigon nga 15 km/h
Sa karun napaidalom na sa Tropical Cyclone Wind Signal no. 3 ang nabagatnan nga bahin sang Cagayan, Isabela, Quirino, Nueva Vizcaya, Kalinga, Mountain Province, Ifugao, nabagatnan nga bahin sang Abra, Benguet, northern kag central portions sang Aurora, naaminhan nga bahin sang Nueva Ecija, naaminhan nga bahin sang Tarlac, naaminhan nga bahin sang Zambales, Pangasinan, La Union, kasubong man sa central kag southern portions sang Ilocos Sur.
Samtang Tropical Cyclone Wind Signal no. 2 naman sa Ilocos Norte, nabilin nga bahin sang Ilocos Sur, Apayao, nabilin nga bahin sang Abra, nabilin nga bahin sang Cagayan kalakip ang Babuyan Islands, nabilin nga bahin sang Aurora, nabilin nga bahin sang Nueva Ecija, Bulacan, nabilin nga bahin sang Tarlac, Pampanga, nabilin nga bahin sang Zambales, Bataan, Metro Manila, Cavite, Laguna, Rizal, Batangas, northern kag central portions sang Quezon kalakip ang Polillo Islands, kag Lubang Island.
Signal No. 1 naman sa Batanes, nabilin nga bahin sang Quezon, nabilin nga bahin sang Occidental Mindoro, Oriental Mindoro, Marinduque, Romblon, naaminhan nga bahin sang mainland Palawan kalakip ang Calamian Islands kag Cuyo Islands, Camarines Norte, Camarines Sur, Catanduanes, Albay, Sorsogon, kag Masbate kalakip ang Ticao kag Burias Islands.
Nagapabilin man sa Signal No. 1 ang Bacolod City kag pila ka bahin sang Negros Occidental kalakip na ang Pulupandan, Silay City, Talisay City, EB Magalona, Manapla, Victorias City, Cadiz City, Sagay City, Escalante City, Toboso, Valladolid, Bago City, Murcia, Salvador Benedicto, kag Calatrava; Aklan, Capiz, Antique kalakip ang Caluya Islands, Iloilo, Guimaras, naaminhan nga bahin sang Cebu kalakip ang Bantayan Islands, Northern Samar, Samar, Biliran, naaminhan nga bahin sang Eastern Samar, kag naaminhan nga bahin sang Leyte.
Ang Bagyo Kristine ang ginalantaw nga makatabok sa Northern Luzon sa masunod nga 12 oras paggwa sa nakatungdan nga kadagatan sang Ilocos Region karun sa hapon ukon sa gab-i.
Sa pagtabok sa kadutaan sang Northern Luzon, ginalantaw nga medyo magahina ang bagyo kag mahimo madowngrade sa Tropical Storm category.
ni ang sunod nga magahusoy sa West Northwestward nga dereksyon sang West Philippine Sea, nga mahimo liwat nga magabaskog kag maggwa sa Philippine Area of Responsibility bwas sa hapon.
