Ginkumpirmar sang Department of Migrant Workers (DMW) nga pilason ang pito ka Pilipino nga seafarers matapos maiguan sang Iranian drone attack ang ila nga barko nga Maltese-flagged container ship CMA CGM San Antonio.
Suno kay DMW Secretary Hans Leo Cacdac, luwas sa pag-atake ang pito ka tripulante apang nakaagom sang mga pilas sa lawas kag ginabulong na sa ospital.
Suno diri, apat sa ila ang nakaagom sang minor injuries, samtang ang tatlo naman ang seryoso ang kondisyon.
Sa subong, suno kay Sec. Cacdac, ginamonitor sang mga opisyal sang Philippine Embassy kag labor attaché ang kondisyon sang mga nasamaran nga mga Pinoy kag nakontak na ang mga ini paagi sa hospital authorities.
Natabo ang insidente sang naglabay ang barko sa Strait of Hormuz, nga sa karon ginakabig pa bilang high risk kag warlike area bangud sa tensiyon sa tunga sang Estados Unidos, Israel kag Iran.
