7 ka sugar farmers nga gintiro sang mga blue guards bangod sa away sa duta sa Cadiz City, magapasaka sang kaso

Magapasaka sang kaso ang pito ka mga sugar farmers nga nasamaran matapos nga gintiro sang blue guards bangud sa away sa duta sa Hacienda Escolastica, Brgy. Mabini, Cadiz City, Negros Occidental sang Martes, Setyembre 30.

Sa interview sang Bombo Radyo Bacolod kay Police Lt. Lovella Cordova, Deputy Chief of Police sang Cadiz City Police Station, nakapauli na ang mga nasamaran matapos nga madapatan sang pagbulong sa clinic sang Cadiz City.

Suno kay Cordova ang mga sugarcane farmers ang magapasaka sang kaso.

Kahapon, ginfile na sang Cadiz City Police Station sa Hall of Justice sang Cadiz City ang kaso.

Magadepende pa sa assessment sang fiscal ang kaso nga pangatubangon sang mga akusado.