72 anyos nga lalaki ginlabo sa Barangay Punao, San Carlos City, kaina sang aga

Pilason ang 72 anyos nga lalaki matapos ginlabo sa Sitio Hagonoy, Barangay Punao, San Carlos City, Negros Occidental, kaina alas- 8:00 sang aga.

Ang biktima ang ginkilala nga si Mario Masayon samtang ang suspek naman amo si Wilson Resurrection, 52 anyos, lunsay mga mangunguma kag residente sang nasambit nga lugar.

Sa inisyal nga imbestigasyon nag-away ang duha sa duta kun sa diin sila nagapanguma.

Hinali lang ginlabo ni Resurrection si Masayon sa likod sini.

Gilayon nga gindala si Masayon sa ospital agud hatagan sang nagaka-igo nga pagbulong samtang si Resurrection naman yara na sa kustodiya sang kapulisan.