Sa pihak sang kabudlay kag madamo nga pagpanghangkat, nagpursige gid sa iya nga pagtuon ang 7th placer sa November 2026 Chemical Engineers Licensure Exam nga si Mark Joseph Pantaleon Pastorillo.
Si Pastorillo ang graduate sang Colegio San Agustin-Bacolod kag siya ang nakakuha sang 89.9 percent rating sa exam nga ginhatag sang November 14-16.
Siya ang nagdako sa Brgy. 23, Bacolod City kag agot sa tatlo ka mag-ulutod.
Gamay pa lang si Pastorillo, nagasaylo-saylo na sila sang balay bangud sayl-saylo man ang trabaho sang iya amay.
Bangud sini, ginhandum gid ni Pastorillo nga makatapos sa pagtuon.
Wala ini ginapressure sang ginikanan apang siya ang nagachallenge sa iya kaugalingon nga makatapos nga may achievements agud mangin proud ang iya ginikanan kag siya ang makabawi sa ila nga sakripisyo.
May mga tinion nga nagaeskwela si Pastorillo nga wala sang balon apang iya gin-agwanta agud nga makagraduate.
Nadulaan sang trabaho ang iya amay antes ini nakasulod sa kolehiyo apang bangud sa determinasyon nga makakuha sang kurso nga Chemical Engineering, siya ang nag-apply sa scholarship sa Public Employment Service Office Bacolod kag Colegio San Agustin.
Nagkuha si Pastorillo sang Chemical Engineering bangud siya ang mahilig sa Mathematics kag Science nga amo man ang luyag niya nga ubrahon sa ulihi.
Wala sang Latin honors sang college si Pastorillo kag wala man ini nagapangibabaw sa mga exam sa review center apang gintinguhaan gid niya nga makapasar sa board kag nakibot nga nakasulod sa Top 10.
Aminado si Pastorillo nga may mga questions sa exam nga indi siya sigurado sang iya sabat gani siya ang nakibot nga siya ang 7th placer sa bilog nga pungsod.
Gin-inspire sini ang mga gusto man nga mangin engineer nga maghimakas gid agud nga malab-ot ang handum sa pihak sang kapigaduhon.
Suno sa Professional Licensure Examination, 814 nagikan sa 955 examinees ang nakapasar sa November 2026 Chemical Engineer Licensure Examination.






